-Kei te whakahē Te Rūnanganui o Ngā Kura Kaupapa Māori ki ētahi o ngā taunakitanga kua puta i Te Arotake i Ngā Kura mō Āpōpō. I ngā rā whakatā i whakakao atu ngā Kura Kaupapa Aho Matua ono tekau mā ono ki Murihiku mō te hui ā-tau mō Te Rūnanganui, ki te āta kōrerohia i ngā take i puta i Te Pūrongo “Whiria Ngā Kura Tūātinitini” nā tētahi Rōpū Mātauranga Motuhake i whakaterea i te marama o Hakihea nō tērā tau, kei tua atu i ngā hui rua rau i whakatutuki i tēnei rōpū i mua i tō rātou tāpaetanga ki te motu.