Kua eke a Te Rua Wallace ki tōna tūranga hou hei kaihautū me te kaitoha hoki nō te peka pupuri whenua me te kāwanatanga o Iarau, i a Iarau e anga atu ana ki tōna tau tuatoru.
“Just ohorere! I te mea mōku ake he hiahia anō tētahi hāpai i te kaupapa, ehara i te mea i te rapu tūranga anō. Te rapu taitara hoki o roto i te pakihi nei. He hiahia anō ki te awhina ake ki te hāpai ake te hiahia o a tātou iwi, o a tātou hapū i roto i ngā mahi taiao,” hei tā Te Rua Wallace.
“I te timatanga, i timata au i te tau 2025 i tae mai au hei environmental planner – he tangata whakamahere taiao koirā taku taitara i taua wā. Kua rua tau i konei ināianei. Ko tāku noa he hiahia ki te piri ki tētahi pakihi iti. Ki tētahi kaupapa hou, ki te whāngai i taua kaupapa hou, pai ki au taua momo mahi kaore i te mea he mihini nui,” hei tāna anō.
“Kei te kite i te hua o tēnei kaupapa, koirā au i kaha pīki ki tēnei wāhi mahi me te kaha tuku i taku wā, i taku aroha, i aku pukenga i tutuki pai ai ngā mahi.”
“He pai ake pea te noho tahi o ngā mahi kāwanatanga ki a tātou hapori kaare pea he take o tātou me rapu mahi anō, i te mea e tutuki pai ana, e ora pai ana ngā mahi taiao.”