Ka taka!
Ka taka!
Ka taka taku mōtoi ka riro!
E kapo ki te whetū, e kapo ki te marama!
E kapo ki te ata o taku raukura ka riro ki tua o Kārewa, ka oti atu koutou e.
I te ahiahi pō tuatahi o Hereturikōkā, i katohia a Tākuta Kihi Ngatai (QSM) e tōna putiputi hono a Maria Hokimate Ngatai, i te poho o tō rāua whānau, i Te Haumaruru ki Raropua.
Ka tangihia, ka tangihia.
Ka tangihia ngā mate huhua e kauria ana ngā wai tuku kiri o tua whakarere.
Ka tangihia tōna kanohi e kore e kite mai anō, tōna momo e kore e ora mai anō, ka tangihia, i te moe o tōna tokotoko, i te ngū o tōna arero, i tōna ngākau nui ki te tangata. Ka tangihia, ka tangihia.
Ngā whānau whānui me ōna piringa ki te whānau Ngatai, haramai tātou.
Ngāi Te Rangi, Ngāti Ranginui, Ngāti Pūkenga,
Tauranga Moana me ōna karangatanga maha, haramai tātou ki te whare o Taiaho.
Mātaatua, Tākitimu me ngā waka huri noa huri noa, haramai ki te uri whakaheke o Toroa, ki te toka Tirikawa o Tamatea, ki te poho o Rauru Kī Tahi, o Kuraimonoa.
Kai ngā karangatanga maha o Te Rōpū Whakamana i Te Tiriti, haramai rā ki tō koroua e takoto nei.
Haramai, haramai rā tātou
Mā Taiaho koe e kukume ki te whare, ki roto i a Rauru, ki reira tangihia ai tōna mokopuna.
It is with a heavy heart that the Whānau of Dr Kihi Ngatai (QSM) announce his passing on the First of August 2021 surrounded by his whānau at Te Haumaruru.
Nā te mate rātou i whakawehe, mā te mate anō rātou e whakahonohono. After recently turning 91, he joins his beloved wife Maria Hokimate Ngatai, eldest daughter Puharangi Ngatai, his parents Tiuka and Parehuia Ngatai and siblings.
Loved and missed deeply by his children Rikihana, Turi, Kihi Jnr, Ngawa, his mokopuna and mokopuna tuarua.
Koro Kihi is expected to arrive at Whareroa Marae on this day Monday 2 August in the mid to early afternoon and his nehu will be on Thursday 5 August at 10.00am.
More details to follow, so please keep an eye out on this thread and other mediums of communication linked to this pānui.
Ngā tai o aroha
Te Pā Harakeke o Kihi rāua ko Maria Ngatai