He tikanga tuku iho tā Ngāti Hauā ia te tau mō te whā tekau tau ki te tautoko i te Koroneihana, ā, he kohi i te huka me te pata te mahi.
“He aha tā mātou koha ki te Koroneihana? I tū tēnā, i tū tēnā, ā, he huka, he pata ko tērā tā mātou koha mō te Koroneihana,” hei taa Te Ao Marama Maaka.
I reira a Te Ao Marama Maaka i te orokohanga o te kaupapa kohinga nei. Hei taana, e maarama ana ia i ngaa toimahatanga o te waa, aa, kua uru mai ngaa kamupene peenei i a New World me Fonterra ki te aawhina i te kaupapa kohinga nei.
“He toimaha hoki tērā, kāore e tāea te whānau ki te whāngai ō rātou whānau, tēnei kaupapa hoki. Engari, waimarie mātou ki a Fonterra me Kym hoki,” hei taana anoo.
I ngeetehi tau, ki te kore ngaa whaanau e aahei ana ki te koha i te huka, te pata raanei moo te kaupapa kohinga nei, ka haere ngaa whaanau ki te mahi i ngaa mahi ringawera ki te Koroneihana.
“Hoki ana ki ngā whakaaro o ngā whānau, te nuinga kāore rātou i tāea. Engari, i kī mai rātou mēnā kāore rātou i āwhina i tērā, ka haere rātou ki te mahi ringawera, ki te āwhi i te marae, ki te āwhi ki reira,” hei taa Maaka anoo.