E tangihia ana te rangatira a Papa Rauru Broughton e tōna iwi me ōna hoa pūmau, i te hokinga atu o tōna tinana ki te marae o Ngāti Maika, i Pākaraka. Kua hoki mai te taonga o te mate ki tōna ūkaipō, ā, kua tīmata ngā whakaritenga mō tōna tangihanga.
I a ia e maumaharatia ana, i whakahua a Gerard Albert o Whanganui Nui Tonu i tō rāua hononga tata, me te kī, “ahakoa noho māua ko Rauru ki ngā mahi o ō māua mātua, tua atu i tēnā, he hoa pūmau.”
“Ahakoa e hiahia nona ki a purutia te aka ki te ao marama kāore taea, te wā tapu, te tapu o mate kāore e taea te karo,” hei tā Gerard ano.
“Ahakoa i mōhio mātau ētehi wā i taumaha ana ia, ko te tūmanako ko te puta atu a ia ki te ora, mahamaha noa ngā wā i heke atu a ia ki te māuiui kātahi ka hoki mai ki te ora, i mōhio mātau he wā tōna.”
Ka takoto a Rauru ki Pākaraka Marae hei te Paraire 28 o Ākuhata ki te Rātapu 30 o Ākuhata 2026.
Ko ngā wā whakaeke:
• Paraire: 9am | 12:30pm | 3:30pm – Karakia: 7pm
• Rāhoroi: 9am | 12:30pm | 3:30pm – Karakia: 7pm
Ka tū te karakia whakamutunga hei te Rātapu 30 o Ākuhata i te 11am, ka nehua a ia ki te urupā i reira.
Kei te haere tonu ngā mihi me ngā whakamaharatanga i runga i ngā reo irirangi o Awa Fm Whanganui me Te Korimako o Taranaki mō te pāhotanga mataora o tōna Tangihanga.